والجبنة وعايشين مرتاحين ولما بنيتنا بدات معاهم الميمة فرحت ولقات من يونسا ويساعدها لكن الوليد بدي يجيب النعيجات يحطهمفي زرايبهم ومايخشش للبيت يبات في بيت شعر تاني ومروا ايام و المرية حبت البنية تقولي ينيتها وبنيتنا ماعندهاش اميمة لقات اميمة كي الفرح والسعد وفي يوم روح الوليد من المرعى خدى عشاه ومشي لبيت الشعر التاني اللي يبات فييه جاته اميمته قتلو ياوليدي البنية راهي بنية حلال وشاطرة وعندها اهل غير ظلموها النساوين كيما ظلمونا احنا وخلونا نهربوا ونعيشوا في الخلا وسيبنا رزقنا وامالينا واني حبيتها كي بنيتي ومانلقالكش خير منها تتزوجها !! وش رايك وليدي نخطبهالك وتبدا فرحتي فرحتين حصلت كنة لوليدي وحصلت بنية قلها ياميمتي اللي ديريه اني راضي بيه!! ويشهد ربي عليا اني حتى وجهها من يوم جبتهالك مغمى عليها ماشفتاش كان عجباتك علي بركة الله انتي اللي قاعدة معاها ليل ونهار وتعرفيها اكثر مني. تاني يوم الفجر طلع الوليد يرعى في السعي بنيتنا ناضت تساعد في الميمة تصنع معاها في الجبنة والزبدة وتعاون فيها في حوستها
وبعد كملوا جابتلها الحطب وخبزوا خبزة كسرة مع بعض وطيبوا ماكلتهم ولما كملوا قعمزوا يحكو الاميمة قالت لبنيتنا يابنيتي هذا وليدي الوحيد ماعنديش غيره وصارتلنا قصة كيما قصتك وظلمونا اهلنا وعشيرتنا وهجينا اني وياه بعدنا من شرهم واني نحس فيك بنية حلال وطاهرة واني حبيتك وماعنديش بنية وانتي بنيتي ونحوسك تعيشي معاي ديمة وش رايك انزوجك ولدي
البنية تحشمت وجهها ولا احمر وغمضت عويناتها وماردتش!! لا قالت ايه ولا لا وطبستراسها لوطة الاميمة قامتلها وجهها بايدها البنية دميعاتها نزلوا . قټلها ربي يجازي بناويت الحړاماني عارفة يابنيتي ومقدرة موقفك بكيتي لانك كنتي تحلمي بان خوتك هما اللي يزوجوك لكن الله غالب هذا نصيبك واني هنايا امك وبوك وخوتك والمكتوب مامناش هروب علي خاطر هكي يابنيتي نحوس نسمع ردك!!
ردت عليها البنية ودمعتها في عويناتها موافقة ياخالتي وهربت تجري خشت لبيت الشعر .
وبعد العصر رجع الوليد من المرعى وجاتو امه وقتلو ياوليدي خلاص البنت موافقة وحدد يوم قراية الفاتحة وجيب معاك شيخ فرح الوليد وبدي كل مايطلع يمشي يشري للعروسة مالازمها وامه وعندهم شوية جيران بعاد عليهم شوية في الخلا عزموهم وداروا عرس وزينو العروسة والعريس لبس حوايج العرس وجابوا الشيخ وقراو الفاتحة..
وهذا كله ولا العروسة شافت العريس والعريس شافها مرة وحدة لما لقاها مغمى عليها تعشوا الناس وروحوا والعريس دخل علي عروسته الضي مش هداكة علي ضي فڼار ماشافوش بعض زين ولما جي الضحى جت ام العريس تنوض في العرسانباش يفطروا واول ماشافوها قعدوا يشوفو لبعض وام العريس كي الاطرش في الزفة مش فاهمة شيء تغير لونها ورجليها صب فيهم المي
وقريب طاحت من طولها جاها وليدها وعروستهيجروا شدوها باش مااطيحش ويغمى عليها وليدها قعد ينادي فيها يمة يمة مايمشيش ظنك بعيد راهي البنت طاهرة زي حمام مكة لكن راهي هادي نفس البنت اللي حكيتلك عليها لما طحتاني وياها في البير!!! قټله ياوليدي رعشتني وشدت العروسة وقعدت تبوس فيها وتهني فيها وتقلها سامحينا معناه كلام الناس اللي قالوه عليك منتحت راس وليدي. وليدها مايعرفش القصة وعلاش البنت هربت من اماليها مشى امهحكتله علي الحراث اللي انقدهم و الشي الي صار فيها من كلامالنساوين وخوتها اللي صدقوا كلام النساوين
وقرروا يذبحوها وهي هربت منهم.
ومشات ايام وجت ايام وحملت عروستنا وجابت وليد كي الفرح والسعد وسماتو مقدر
