حكاية رهف كامله
باسل واقف متابع الموقف وحاسس انو فرحان لان ملك بقت تهتم بحمزة وميعرفش ان كل ده تمثيل باسل حضنها من ضهرها باسل بحب : امممم رايحين فين من غيري
ملك بضحكه : خارجين م تيجي معانا
باسل بحزن : كان نفسي والله بس عندي شغل كتير الفترة دي وانتي عارفه ان بابا سافر وكل الشغل بقي عليا انا وعمر
ملك بخبث : عمر صحبك ده باين عليه بيحبك اوي
باسل بحب : عمر مش مجرد ابن عم دا صحبي اللي مليش غيرة
ملك : ربنا يخليكم لبعض
باسل باسها من خدها : ويخليكي ليا ي حياتي انا همشي بقي
باسل كان ماشي بس ملك وقفته : انا مبسوطه اوي ان علا@قتنا اتحسنت ي باسل يارب نفضل دايما كده
باسل بحب : ان شاء الله هنبقي احلي عيله ف الدنيا
حمزة جه يجري : مامي ..مامي انا جاهز يلا نمشي
باسل : تعالو اوصلكم ف طريقي
ملك : لا انا لسه هعدي ع الشركه الاولي
باسل : تمام
ملك وحمزة ركبو عربيتهم وطول الطريق حمزة يتكلم بس هيه مبتردش عليه تليفونها رن
ملك بغضب : ايوة ي زفت عايز ايه ؟
خالد بخبث : انتي عارفه انا عايز ايه
ملك : انت اتجننت مش كفايه اللي حصل
خالد ببرود : مليش فيه ي ملك
ملك : علي الاقل مش هينفع النهارده طيب
خالد : ليه ؟؟؟؟
ملك : انا وحمزة خارجين
خالد : متتأخريش عليا عشان انتي وحشتيني مو@وووت
ملك بدلع : وانت كمان ي حبيبي سلام
حمزة قاعد سامع الحوار بس مش فاهم الكلام كله
حمزة : ماما هوة مين ده ؟
ملك بتوتر : دا واحد بيشتغل عندي ي روحي
حمزة بتفكير : طيب هوة انتي ليه بتقوليله ي حبيبي زيي انا وبابي
ملك بغضب : ولد عيب كده متدخلش ف اللي ملكش فيه
حمزة عيط وهيه م زالت بتص@رخ فيه وفجاة مخدتش بالها وعربيتها دخلت ف عربيه نقل كبيرة وعملو حادثه
ف نفس الوقت ده مامت رهف كانت بتعمل العمليه بعد م باسل دفع الفلوس
ليلي : بقولك ايه ي رهف انا هنزل ادور علي شغل بعد م ناخد ماما علي البيت
رهف : ايه اللي بتقوليه ده ي ليلي هوة احنا هنقصر معاكي ف حاجه
ليلي : ي حبيبتي مش كده انا وانتي وعمرو واحد يعني لازم اشتغل عشان اصرف معاكي ع البيت ونخلي عمرو ياخد باله من دروسه مش عايزة اخليه يشوف اللي شوفناه ي رهف
رهف : ماشي ي ليلو اعملي اللي ريحك
ليلي بشك : قوليلي بقي جبتي فلوس العمليه منين
