طفل بلا ملامح
بس اعطينى فرصة .
لفيت له بدموع...
_ وبالنسبة لجمال
_ هو مهم اووى عندك ..
_ حتى هو كان متقدم لى قبل الجواز ومستسلمش واتقدم لى بعد ما طلقتنى انت اللى اعطيت له الفرصة دى يا جاسر واللى يتخلى عنى مرة يتخلى عنى مېت مرة ..
ملقتش رد منه تقريبا هو دلوقتى عرف غلطته او لا معرفش ...
فتحت الباب ومشيت مسمعتش اي نداء منه طلعت ومكنتش عارفة انا رايحة فين ولا حتى انا فين بس اللى يسأل ميتوهش كان المكان اللى اخدنى فيه عمارة بعيدة شوية من بيتنا ركبت تاكسى وروحت بيتنا ..
دخلت لقيت كل حاجة زى ما هيا دخلت البيت والزينة لسه متعلقة لقيتهم قاعدين بيبكوا ماما لما شافتنى جرت عليا
_ انتى كنتى فين يا جميلة انا خۏفت عليكى اووى ..
_ مټخافيش يا ماما انا بخير بس حد يطلع يشوف اجرة السواق دى ..
_ سواق ايه يا جميلة انا مش فاهمة حاجة
_ الراجل واقف ومستنى هفهمك بعدين ..
بعدها بشهر اتحدد جوازى وكتب الكتاب فى نفس اليوم مع جمال اللى عرفت من اهلى بعدها انه قلب الدنيا عليا وكان بيدور عليا فى كل مكان... ومعرفتش اى حاجة عن جاسر بعدها غير انه اتجوز واكتر من كده مفيش ...
_ الف مبروك يا جميلتى ..
_ آلله يبارك فيك .
_ انا اسعد انسان فى الدنيا .
ابتسمت بخجل ومردتش ...
_ هتفضلى سكته كتير كده ...
_ اقول ايه
_ لا ولا حاجة..
روحنا بيتنا الجديد ودخلنا ..
_
تعالى عايز احكي لك حاجة .
مسك ايدى وقعدنى على الكنبة وهو قعد جنبى ..
_ تعرفى انا بحبك من امتى
_ حبيتك من سبع سنين من قبل ما تتجوزى وانتى اصلا مكنتيش شايفة قدامك غير جاسر جاسر وبس كنت بمۏت فى اليوم الف مرة ولما سمعت بجوازك منه حسيت بۏجع كبير فى قلبى حسيت انى خلاص ھموت من بعدك بعد ما اتجوزتى قلت لنفسى انى هنساكى بس مقدرتش مقدرتش ابدا يا جميلة ..
_ واستنيت كل ده ومتجوزتش ليه
لقيته ابتسم واتنهد بسعادة..
ابتسمت من جوايا وقلت ..
_ للدرجة دى
حط ايده على وشى وقال بحنو
_ واكتر كمان تعرفى ان مبسوط قد ايه ..
ابتسمت
_ قد ايه
لقيته ضحك وقال ..
_ قد البحر وسمكاته قد السماء ونجومها ..
ضحكت..
_ بتمنى يا جميلة تحبينى زى ما بحبك .
بصيت حواليا بتحيير مصطنع ..
_ امم يمكن اما فعلا حبيتك .
_ يعنى انتى بتحبيني
_ لسه اكيد حبك هيكبر فى قلبى..
لقيته قام وشالنى ولف بيا وقعد يضحك .
بدي اتجوز جمال ذا الحين
بعد تلات سنين ..
_ جنان تعالى كفاية لعب بقى ..
_ يا ماما كمان شوية .
_ لا كفاية يلا نمشى عشان منتأخرش .
_ بس يا ماما .
_ خلاص بقى يا جيجي عشان اجبلك شوكلاته.
_ لا انا عايزة العب كمان .
_ جنان قولت تعالى يلا..
عيطت
_ لو بابا كان هنا كان زمانه لعبنى .
_ بس بابا مش هنا يا جنان دلوقتى فى ماما.
_ لا انا عايزة بابا هو فييين
_ يا جنان
بقى قولتلك بابا مش هنا ..
عيطت اكتر ...
_ لا انا عايزة بابا انا عايزاه .
_ ايته ايته بنتى القمر بتسأل عليا ..
_ كنت فين يا استاذ .
رفع ايده وقال بضحك ..
_ والله يا سيادة القاضى كنت فى الشغل
ضحكت على طريقته ..
_ ماشى ماشى هصدقك .
_ لازم تصدقينى على فكرة انا زى جوزك بردو .
ركبنا العربية عشان نروح كنا قاعدين ساكتين وجنان نامت من اللعب طول النهار.
_ جمال .
_ نعم يا احلى ست فى الكون.
_ على فكرة كنت تقدر تقول نعم وخلاص.
_ نعم .
_ نعم الله عليكى يا حبيبى .
_ في ايه يا جميلة عايزة تقولى ايه
سكت شوية ..
_ جمال .
_ نعم .
_ نعم الله عليك يا حبيبى .
بصلى بضيق ومردش .
_ مترودش عليها يا بابا هى رخمة اصلا
_ جنان ينفع تقولى كده لمامتك حبيبتك
وبعدها نامت تانى ..
_ دى ايه اللى تنام بسرعة دى .
_ تلاقيها تعبانة من اللعب .
_ اممم جمال .
_ هيييييم .
_ بحبك..
لقيته بصلى وابتسم ..
_ كل ده عشان دي وانا كمان بعشقك مش بحبك بس يا قلب جماال .
