القصه كامله

عنها

عاد ياسين لسيف يؤنبه

ليه كده ياسيف

نظر اليه پغضب ياسين متتدخلش مراتى واناحر معاها لو سمحت سبنى لوحدى

ياسين حاضر ياسيف بس بلاش تبقى ظالم انت علمتنى الرحمة باقرب الناس

مابالك بفرح ....... سلام ياسيف

تركه وجد فرح تجلس على منضدة المطبخ ووجهها بين كفيها اقترب وجلس امامها

فرح

رفعت وجهها تمسح دموعها

ايوه ياياسين خير فى حاجة

معلش يافرح حقك عليا انتى عارفة الظروف اللى بيمر بيها

انا مقولتش حاجة ياياسين انا نفسى يعرف ويتاكد انى مستحيل اتخلى عنه او اسيبه مهما يحصل

اناعارف وهو كمان عارف بس سيف عمره مش بيحب يحتاج لحد طول عمره سند بابا فى كل حاجة عمرنا بنحتاجله هو الكبير ........تعرفى انا اصغرهم اه وعشان كده كنت ديما شايف ان سيف مثلى الاعلى سندى لو غلطت عارف ان ورايا ضهر تفتكرى بعد ده كله احساسه يبقى ايه يافرح بالذات اودامك انتى فرح انتى عارفة سيف بيحبك ازاى سيف عمره ماحب دور كتير على بنت فى مواصفات معينة وانا متاكد انه لاقاها فيكى استحمليه يافرح لحد ما يعدى من ازمته

فرح من غير ماتقول ياياسين انا مستحيل اسيبه مهما يحصل

ياسين انا متاكد يافرح

انتفضا سويا على صوت سيف العالى ينادى عليها

ياسين روحى يافرح واستحملى معلش

حاضر

خرج ياسين وذهبت فرح اليه وجدته يجلس على كرسيه وسط الغرفة ينظر لها بحدة

ايوه ياسيف

كنتى فين

موجودة فى المطبخ

لوحدك

لم تفهم تلميحه فاجابت بتلقائية لا ياسين كان قاعد معايا

اقترب منها بكرسيه وياسين بيعمل معاكى ايه

فرح يعنى بيعمل ايه

انتى فاهمة قصدى قاعد معاكى لوحدكم ليه بينكم ايه ولا فاكرة عشان مشلۏل مش هقدر عليكى

جحظت عيناها بدهشة انت بتقول ايه ...... انا ياسيف

ايوه انتى مفيش احترام ليا قاعد مع اخويا لوحدكم ليه

انت ازاى تفكر فى كده سيف انا ممكن استحمل منك اى حاجة فى الدنيا غير انك تتهمنى بكده انا ياسيف تقول عليا كده

ومقولش كده ليه قاعدة معاه لوحدكم فاكرين انى هقعد على الكرسى ومش هعرف ايه اللى بيحصل من ورايا

صړخت به حرام عليك ياسيف انت من ساعة ماخرجت وانت بتجرحنى وبقول معلش استحمل منك اى حاجة ومهما تعمل فيا هستحمل الا انك تتهمنى فى اخلاقى وانت عارف كويس انه اتهام باطل ولو بتشك فيا مكنتش خلتنى على ذمتك لحد دلوقتى

نظر اليها صامتا حتى اشار اليها اقفلى الباب وتعالى

ليه

قلت اقفلى الباب وتعالى

اغلقت الباب واقتربت منه بخطوات ثقيلة امسك يدها بقسۏة عايزك ولا هتمنعى نفسك منى

جلست اسفل قدميه ممسكة بيده مهما تعمل فيا ياسيف موافقة لو هتقتلنى موافقة بس متبعدش عنى بلاش الوش اللى انت بتحاول تقنعنى بيه اناعارفة انك بتعمل كل ده عشان اكرهك وابعد عنك وانا مش هبعد مهما يحصل غير بموتى

القت بجسدها بين ذراعيه حبيبى انا عمرى ما هسيبك انت مش قلتلى انك سندى وضهرى هتسبنى ياسيف

ابعده عنه قليلا وهو ينظر الى عينيها احس للحظات بضعف قلبه امامه ولكنه استطرد قوته وابتعد بكرسيه عنه

اطلعى بره يافرح

ليه ياسيف انا زعلتك

قولتلك اطلعى بره مش عاوزاك معايا انتى مش بتفهمى ليه

اعتصر الالم قلبها وادمعت عيناها فابتعدت وخرجت من الغرفة وتركته وحيدا حزينا

............................. دخل سليمان غرفة حمزة واقترب جالسا بجواره يربت على كتفه

كيفك دلوجت ياولدى

بخير يابابا الحمدلله

اه لو اعرف مين اللى عمل اجده كنت جتلته بايديا

المصېبة ان احناعارفين وساكتين ومش مقتنعين

كيف يعنى عم بتجول ان ولد عمك هو اللى حرض على جتلك واصدجك كيف ياولدى

قولى مين له مصلحة غير توفيق ېقتل سيف عشان السوق يخلاله ويقتلنى انا عشان لاقدر الله يبقى هو الوريث الوحيد لحضرتك

مش عارف ياحمزة خاېف لتكون ظالمه ياولدى

لا يابابا انا مش ظالمه ولا حاجة كفاية انه سمعته بودنى بيتفق على قتل سيف واللى يخليه ېقتل سيف يقتلنى اما كمان عشان الجو يروق

انت متوكد ياحمزة

طبعا وسيف نفسه عرف وبلغ عنه وكان مراقبين البيت بس النصيب بقى

نظر اليه متفحصامين جالك ان ولد سليم كان يعرف ان توفيق عايز يجتله

اصابه التوتر للحظات ولكنه فضل ان يخبره بالحقيقة حتى اتته الشجاعة وفضل ان يحدثه بوضوحه حتى تتنهى الشكوك والظنون

بابا انا

قلت لحضرتك

________________________________________

قبل كده انى عايز اتجوز داليا بنت عمة سيف وحضرتك رفضت

جلتلك بلاش ولاد سليم ياحمزة

ليه بس شوفت ايه وحش منهم ناس محترمة وموافقين عليا لو حضرتك وافقت ومرحبين كمان

مين جالك اجده

سيف نفسه قالى لو حضرتك وافقت هو موافق ووالده كمان لامتى يابابا الحړب دى انا كان ممكن اروح منك فجاة صح ولا لا

متجولش جده ياولدى ده انت اللى طلعت بيك من الدنيا انت واخواتك البنات مين يجف ياخد عزايا لمااموت مش انت ياحمزة

امسك بكفيه يقبلهم بعد الشړ على حضرتك بس عايز اقولك انهم ملهمش مصلحة فى محاولة قټلى هو توفيق

توفيق حسابه تجل معايا جوى

ازاى يابابا

توفيق ولد عمك عم بيتاجر فى الممنوع ياولدى وبيعين بضاعته فى مخازنا

اتسعت عيناه بذهول

ازاى يابابا مين قالك

فاكرنى عيل ولا ايه انا اعرف كل حاجة وعارف كمان انه وراءه مصايب كتير

طيب ولو حد بلغ ولو الحكومة تعرف انت اللى فى الوش

لا ياولدى ابوك مش صغير انى بلغت عنيه من زمان والحكومة عارفة كل حاچة متجلجش احنا فى السليم

قام من جواره وهو يربت على كتفه متجلجش ياولدى الله ربنا رايده هيكون ولو ليك نصيب فيها هتبجى من نصيبك سيبها على ربك

..............................

فراق الروح اشد عذابا وقسۏة من فراق الجسد ان لايفصل بينك وبين من تحب اى شئ ولكنك تخفى حبك وضعفك امامه حتى لا تشعر منه بلحظة شفقة ان تقسى عليه حتى يكره وجوده بجوارك فانت من ټعذب قلبك وروحك انت من تستبيح العڈاب لقلبك وله ايضا

نام الاثنين وكل منهما فى اتجاه فرح تنتظر فرصة للقرب وسيف ينتظر منها ذلك ولكنه لايبوح بما فى صدره

ظلا مستيقظان حتى اعتدل سيف فى نومه بصعوبة شعرت به فرح فالټفت اليه سريعا

اندهش من تصرفه ومع انه فؤجى بما فعلته و

نعم ياسيف

انا بحبك اوى ومش عايزك تزعلى منى كل اللى عملته معاكى ڠصب عنى والله

رفعت راسها اليه مبتسمة عارفة ........وبحبك رغم قسوتك عليا

اقتربت منه وتناجت العيون وارتعشت الشفاه بلمساته الحانية

وحشتينى

نظرت اليه بحب فجذبها اليه وغاصا سويا فى عالم اخر يمتلكانه سويا

استيقظ سيف من نومه لم يجدها بجواره وجدها تخرج امامه بشعرها المبلل الذى تجففه بمنشفتها ابتسمت بعذوبة

صباح الخير ياحبيبى

صباح الخير يافرح صحيتى امتى

لسه من شوية ........ يلا انت كمان تاخد حمامك على اما اجهزلك الفطار

طيب معلش ساعدينى قربى الكرسى اقعد عليه

من عنيا

امسكت بالكرسى جلس عليه ودخل الى حمامه حتى اعدت له الافطار وجلسا سويا يتناولان افطارهم حتى انتهى سيف فابتعد بكرسيه

فرح هاتيلى القهوة فى البلكونة لو سمحتى

حاضر ياحبيبى ادخل انت وانا اجبهالك

اعدت له قهوته ووضعتها امامه وجلست بجواره يتحدثان وتحاول رسم الابتسامة على وجهه الحزين حتى سمعت صوت الباب وذهبت لتفتحه تسمرت قدميها وجحظت عندما وجدت توفيق امامها ينظر لها بابتسامته الخبيثة

ازيك يامدام فرح

انت عايز ايه جاى هنا ليه اطلع بره

عيب يابنت الاصول تتطردى ضيفك

انا اقټلك مش اطردك بس